36 ikastetxe publikok aitorpenak jasotzen dituzte

Haur Hezkuntzako, Lehen Hezkuntzako, Bigarren Hezkuntzako eta Lanbide Heziketako Nafarroako 36 ikastetxek "Kalitatearekiko konpromisoa", "Kalitatezko ikastetxea" eta "Ikastetxe Bikaina" aitorpenak jaso dituzte gaur goizean Iruñean, irakaskuntza publikoaren esparruan kalitatea kudeatzeko dituzten sistemengatik.

Carlos Gimeno Hezkuntza kontseilaria buru izan duen Nafarroako Errege Artxiboan egindako ekitaldian, saridunak zoriondu ditu, eta nabarmendu du "Nafarroako hezkuntza sare publikoko kalitate sareak hogei urte gehiagoan sendotzen joan direla, eremu geografiko, etapa eta hizkuntza eredu guztietako pertsona eta klaustroen ahaleginarekin eta lanarekin".

Dagoeneko 124 ikastetxek parte hartzen dute 21 kalitate saretan, hau da, Nafarroako ikastetxe publiko guztien % 52k, etorkizun hurbilean Foru Komunitateko ikastetxe publiko guztiak kalitate sareetan integratu ahal izateko. Era berean, gogora ekarri da berriki kalitatezko bi sare berri gehitu direla, egitura horri beste bost ikastetxe gehituta.

"Kalitatearekiko konpromisoa" aintzatespena jaso duten ikastetxeak honako hauek izan dira: Iturmendiko Arrano Beltza IP, Barañaingo Eulza IP, Valtierrako Félix Zapatero IP, Azagrako Francisco Arbeloa IP, Sarrigurengo Uriz Pi IP, Barañaingo Los Sauces-Sahats IP, Iruñeko Mendigoiti IP, Milagroko Babesletzaren Andre Mariaren IP, Erronkariko Julian Gayarre Institutua, Cascanteko Santa María Vicenta IP, Ochagavía BHI eta Iruñeko Padre Moret-Irubide BHI. Guztiek diploma eta liburu bana jaso dute Hezkuntza sailburuaren eta Pablo Arriazu Antolamendu, Prestakuntza eta Kalitate Zerbitzuko zuzendariaren eskutik.

Era berean, "Kalitatezko ikastetxea" aitorpena jaso duten ikastetxeak honako hauek izan dira: Iruñeko Nekazaritza eta Basozaintzako IK, Iruñeko Osasun Zentro Integratua, Los Arcoseko Santa Maria Ikastetxe Publikoa, Caparrosoko Virgen del Soto IP, Zangozako Sierra de Leyre BHI eta Cortesko Errege Bardea Institutua. Carlos Gimenok eta Tomás Rodríguez Garraza Lanbide Heziketako zuzendari nagusiak eman dituzte sariak, diplomak eta ordenagailu eramangarriak.

Azkenik, guztira hemezortzi ikastetxek jaso dute, Gimeno sailburuaren eta Gil Sevillano Hezkuntzako zuzendari nagusiaren eskutik, "Ikastetxe Bikainaren" aitorpena. Hauek dira: Iruñeko Donapea Ikastetxe Politeknikoa, Altsasuko Sakana LHI, Elizondoko Lanbide Eskola LHI, Tafallako LHI, Beriaingo LHI, Cerro de la Cruz de Cortes LHI, Leringo Blanca de Navarra LHI, Tuterako Huertas Mayores LHI, Corellako Alhama BHI, Tuterako Benjamín BHI, San Adriango Ega BHI, Iruñeko Julio Caro Baroja BHI, Marcillako Marqués de Villena BHI, Iruñeko Plaza de la Cruz BHI, Peraltako Ribera del Arga BHI, Tuterako Valle del Ebro BHI, Berriozar BHI eta Cintruenikogo La Paz BHI.

 Hezkuntzako kontseilariak eskerrak eman dizkie ikastetxeetako zuzendaritza taldeei eta kalitate arduradunei kalitatea kudeatzeko sistema bat garatzeko egin duten ahaleginagatik, ikastetxeetan "emaitza akademikoak, bizikidetza, berdintasuna eta ekitatea hobetzeko". Kalitatea kudeatzeko sistemak Departamentuak eta ikastetxeek bultzatutako plan eta proiektu guztietan etengabeko hobekuntzan, konpromisoan eta parte hartzean oinarritzen dira.

Ildo horretan, IKKS 2020 arau berria aipatu du Nafarroako ikastetxe publikoentzako erreferentzia-eredu propio gisa, nazioarteko kudeaketa arau eta ereduetan oinarritua eta abuztuaren 27ko 71/2020 Foru Aginduaren bidez onartua, zeinak egitura berritua, argiagoa eta koherenteagoa aurkezten baitu ikastetxe baten jarduerarekin, kudeaketan oinarritutako ikuspegi batetik.